साउनका लागि बैंकको नयाँ ब्याजदर सार्वजनिक, ६ वटा वाणिज्य बैंकको घट्यो

आगामी साउन महिनाका लागि वाणिज्य बैंकहरूको नयाँ ब्याजदर सार्वजनिक भएको छ । नेपाल राष्ट्र बैंकको निर्देशनअनुसार असार मसान्तमा नयाँ ब्याजदर सार्वजनिक गरेका वाणिज्य बैंकहरूले अधिकांशले असार महिनाकै ब्याजदरलाई निरन्तरता दिएका छन् ।

तथापि, २० वटा वाणिज्य बैंकहरूमध्ये ६ वटाले भने असारका तुलनामा आउँदो साउनका लागि केही ब्याजदर घटाएका छन् । एनएमबी बैंक, स्टान्डर्ड चार्टर्ड बैंक, कुमारी बैंक, सिटिजन्स बैंक, राष्ट्रिय वाणिज्य बैंक र ग्लोबल आईएमई बैंकले मुद्दतीको ब्याजदर थप घटाएका छन् ।