विन्डोज ११ मा आयो सम्पूर्ण पीसीका लागि ‘Undo’ सुविधा, गल्ती भए सजिलै पुरानै अवस्थामा फर्काउन सकिने

काठमाडौं । माइक्रोसफ्टले विन्डोज ११ का 24H2 र 25H2 संस्करणका लागि KB5101650 अपडेट सार्वजनिक गरेको छ । यस अपडेटमार्फत यसअघि Optional रूपमा उपलब्ध गराइएका धेरै नयाँ सुविधाहरू अब सबै योग्य प्रयोगकर्ताका लागि क्रमश: उपलब्ध गराइँदै छन् ।

यस अपडेटको सबैभन्दा प्रमुख आकर्षण Point-in-Time Restore (PITR) फिचर हो । यसलाई पीसीका लागि ‘Undo’ बटनको रूपमा समेत लिन सकिन्छ, किनकि यसले कुनै समस्या वा गल्ती भएमा कम्प्युटरलाई सजिलै अघिल्लो सुरक्षित अवस्थामा फर्काउन मद्दत गर्छ ।