५ वर्षभित्र जीडीपीमा निर्यातको हिस्सा २० प्रतिशत पुर्‍याउने सरकारको लक्ष्य

काठमाडौँ । मुलुकको बढ्दो व्यापार घाटा नियन्त्रण गर्न र स्वदेशी उत्पादन प्रवर्द्धन गर्ने उद्देश्यले सरकारले ‘व्यापार घाटा न्यूनीकरणसम्बन्धी राष्ट्रिय कार्ययोजना, २०७९’ लाई अद्यावधिक गरेको छ ।

उद्योग, वाणिज्य तथा आपूर्ति मन्त्रालयले तयार पारेको प्रथम अद्यावधिक (२०८३) कार्ययोजनाले आगामी ५ वर्षभित्र मुलुकको कुल गार्हस्थ्य उत्पादन (जीडीपी) मा वस्तु तथा सेवाको निर्यातको अनुपात २० प्रतिशत पुर्‍याउने महत्त्वाकांक्षी लक्ष्य राखेको छ ।