चालु आर्थिक वर्षको अन्तिम दिन नेप्से बढ्यो, १२१ कम्पनीको सेयर मूल्य बढ्दा परिसूचक २५ सय ९७ बिन्दुमा

काठमाडौं- चालु आर्थिक वर्षको अन्तिम कारोबार दिन बिहीबार नेपाल स्टक एक्सचेन्ज (नेप्से) परिसूचक सामान्य अंकले बढेर बन्द भएको छ। दिनभर उतारचढावमा रहेको बजार कारोबारको अन्तिम समयमा सुधारिएपछि नेप्से ७.५० अंक (०.२८ प्रतिशत) ले बढेर २ हजार ५९७.८० बिन्दु मा पुगेको हो।

पछिल्ला दुई कारोबार दिनदेखि देखिएको सुधारको लय बिहीबार पनि कायम रह्यो। कारोबार सुरु भएपछि केही समय बजार सकारात्मक रहे पनि त्यसपछि अधिकांश समय दबाबमा देखिएको थियो। तर, प्रधानमन्त्री वालेन्द्र शाह र नेपाल राष्ट्र बैंकका गभर्नर डा. विश्वनाथ पौडेलबीच सेयर बजार, बैंकिङ तथा वित्तीय क्षेत्रका विषयमा छलफल भएको समाचार सार्वजनिक भएपछि अन्तिम समयमा बजार सकारात्मक बनेको देखिएको हो।