सुकेटार-काफ्ले कालोपत्रे सडक निर्माण कम्पनीलाई १५ दिने स्पष्टीकरण

तमोर करिडोर (सुभाङखोला–दोभान–ओलाङचुङगोला) सडक योजना कार्यालयले ताप्लेजुङको सुकेटारबाट काफ्लेपाटीसम्मको सडक निर्माणको ठेक्का लिएको कम्पनीलाई ठेक्का किन नतोड्ने भनेर १५ दिनको स्पष्टीकरण सोधेको छ।

योजना कार्यालयले जेठ १५ गतेका मितिले १५ दिनभित्र कम्पनीका आधिकारिक प्रतिनिधिलाई स्पष्टीकरणसहित उपस्थित हुन निर्देशन दिएको हो। सुकेटारदेखि काफ्लेपाटीसम्मको झण्डै ११ किलोमिटर सडक दूरीको कालोपत्रे गर्ने कार्यको जिम्मेवारी एमएस कन्टेक प्रालि नक्साल काठमाडौंले पाएको थियो।