१९४ जनामा कोरोना संक्रमण पुष्टि,३४८ जना संक्रमण मुक्त

काठमाडौं – पछिल्लो २४ घण्टामा १९४ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६३९४  जनाको आरटी–पीसीआर र एन्टिजेन विधिबाट परीक्षण गर्दा १९४ जनामा कोरोना संक्रमण पुष्टि भएको हो ।

हाल  ११० जना क्वारेन्टाइनमा रहेको मन्त्रालयले जनाएको छ । देशभर हाल सक्रिय संक्रमितको संख्या   ५  हजार  ८७५  रहेको छ  ।

पछिल्लो २४ घण्टामा देशभर ३४८ जना संक्रमणमुक्त भएर घर फर्किएका छन् ।  यसैगरी पछिल्लो २४ घण्टामा कोरोना संक्रमणका कारण १ जनाको मृत्यु भएको छ । नेपालमा कोरोना संक्रमणबाट मृत्यु हुनेको संख्या ११ हजार  ९४९  पुगेको छ।