मानव कंकालसँग भेटिए २ हजार वर्ष पुराना सुनका दुईवटाऔँठी

थाइल्यान्डको पश्चिमी क्षेत्रमा करिब २ हजार वर्ष पुराना दुईवटा सुनका औँठी फेला परेका छन्। पुरातत्त्वविद्हरूले उत्खननका क्रममा मानव अस्थिपञ्जरसँगै यी औँठीहरू भेट्टाएका हुन्।

थाइल्यान्डको फेत्चाबुरी प्रान्तस्थित डोन याइ थोङ पुरातात्त्विक स्थलमा जारी उत्खननका क्रममा गत साता यी बहुमूल्य पुरातात्त्विक सामग्री फेला परेको थाइल्यान्डको ललितकला विभागले जनाएको छ।