दूरसञ्चार प्राधिकरणमा चार सदस्य नियुक्त, विकास र नियमनमा जोड

काठमाडौं । सरकारले नेपाल दूरसञ्चार प्राधिकरणमा चार नयाँ सदस्य नियुक्त गरेको छ । सूचना तथा सञ्चार मन्त्रालयको निर्णयअनुसार लेखा तथा लेखापरीक्षण, प्राविधिक तथा प्रशासन, कानुन र बजार व्यवस्थापन क्षेत्रका प्रतिनिधिलाई सदस्यको जिम्मेवारी दिइएको हो ।

नवनियुक्त सदस्यहरूलाई बधाई दिँदै सूचना तथा सञ्चारमन्त्री डा. विक्रम तिमिल्सिनाले दूरसञ्चार क्षेत्रको विकास, विस्तार र प्रभावकारी नियमनमा परिणाममुखी ढंगले काम गर्न निर्देशन दिएका छन् । उनले जनहितलाई केन्द्रमा राखेर जिम्मेवारी निर्वाह गर्न आग्रह गर्दै प्राधिकरणको भूमिकालाई अझ प्रभावकारी बनाउन जोड दिएका छन् ।