विद्युतीय पूर्वाधारमा ८० अर्ब लगानी गर्ने सरकारको योजना

काठमाडौँ । ऊर्जा, जलस्रोत तथा सिँचाइ मन्त्री विराज भक्त श्रेष्ठले आगामी आर्थिक वर्षमा विद्युतीय पूर्वाधार विस्तार र स्तरोन्नतिका लागि सरकारले करिब ८० अर्ब रुपैयाँ लगानी गर्ने योजना बनाएको बताएका छन् ।

नेपाल आर्थिक पत्रकार संघ (नाफिज) द्वारा आयोजित कार्यक्रममा उनले अब विद्युत उत्पादनसँगै भरपर्दो प्रसारण, वितरण, आन्तरिक खपत वृद्धि र ऊर्जा व्यापारलाई प्राथमिकतामा राखिएको बताए ।