संखुवासभामा पहिरोले पाँचखपन–चैनपुर सडक अवरुद्ध

संखुवासभा । संखुवासभाको पाँचखपन नगरपालिका र चैनपुर नगरपालिका जोड्ने सडक अवरुद्ध भएको छ । पहिरोले पाँचखपन नगरपालिकाअन्तर्गत बिहीबारे–भैँसीचोक–पिपलडाँडा सडकखण्ड अवरुद्ध भएको हो ।

शुक्रबार (जेठ २२) रातिदेखि लगातारको वर्षासँगै खसेको पहिरोले चैनपुर र पाँचखपन नगरपालिका जोड्ने बिहीबारे–भैँसीचोक–पिपलडाँडा सडकखण्ड अवरुद्ध भएको जिल्ला प्रहरी कार्यालयका सूचना अधिकारी एवं प्रहरी निरीक्षक धनबहादुर राजवंशीले जानकारी दिए । पहिरोले पाँचपन–चैनपुरखण्डको करिब १५ मिटर सडक बगाएको उनले बताए ।