विद्यालयमा गोलीबारीपछि फिलिपिन्सले भिडियो गेममा लगायो प्रतिबन्ध

मनिला । फिलिपिन्स सरकारले लोकप्रिय भिडियो गेम गोरबक्सलाई अस्थायी रूपमा प्रतिबन्ध लगाएको छ । प्रारम्भिक अनुसन्धानमा हालै भएको विद्यालय गोलीकाण्डका एक किशोर आरोपी उक्त खेल खेल्ने गरेको खुलासा भएपछि यो कदम चालिएको हो ।

गत सोमबार मनिलाबाट दक्षिणपूर्वमा रहेको ट्याक्लोबान शहरको सान होजे राष्ट्रिय उच्च माध्यमिक विद्यालयमा भएको गोलीकाण्डमा तीन विद्यार्थीको मृत्यु भएको थियो भने २० जना घाइते भएका थिए । प्रहरीले १५ र १४ वर्षका दुई किशोरले कक्षाकोठाभित्र प्रवेश गरेर हतियार चलाएको आरोप लगाएको छ ।