धौलीगङ्गा परियोजनाको बाँध खोलिदै

भारतको पिथौरागढ जिल्लास्थित धारचुला तहसिलअन्तर्गत रहेको धौलीगङ्गा जलविद्युत परियोजनाको बाँध खोलिने भएको छ ।

एनएचपीसी लिमिटेड र धौलीगङ्गा पावरस्टेसन नेपाली प्रशासनलाई पत्राचार गर्दै असार १२ गते शुक्रबार विहान ६ बजेदेखि शनिबार बेलुकी ५ बजेसम्म ३५ घण्टा बाँध खोल्ने सूचना बुधबार पठाएको दार्चुलाका सहायक प्रमुख जिल्ला अधिकारी मोहनसिंह धामीले जानकारी दिनुभयो ।