धवलले खोल्ने पार्टीमा दुर्गा प्रसाईंलाई वरिष्ठ नेताको प्रस्ताव, घोषणा कहिले ?

काठमाडौँ । राष्ट्रिय प्रजातन्त्र पार्टी (राप्रपा) बाट अलग हुने घोषणा गरेका डा. धवल शम्शेर राणाले दुर्गा प्रसाईंसँग मिलेर नयाँ पार्टी निर्माण गर्दै छन् । पार्टीको नाम तय भइसकेको छैन ।

आउँदो २१ जेठमा धवलको समूहले पार्टीबाट सामूहिक राजीनामाको घोषणा गर्ने तयारी छ । त्यसपछि नयाँ पार्टी गठनको गृहकार्य सघन हुने बताइएको छ । १८ जेठमै सामूहिक राजीनामा दिने तयारी गरिएको भए पनि तीन दिन पछाडि सारिएको हो ।