दुःख होइन, दुुर्गालाल दाइको जीवन उत्सवका रूपमा मनाउनुुपर्छ

स्वर्गीय दुर्गालाल दाइका विषयमा कसरी लेखौँ, के लेखौँ भन्ने भइरहेको छ । उहाँलाई सम्झँदा मनमा धेरै भावना एकैसाथ आउँछन् । दुःख पनि लाग्छ, तर त्यसभन्दा धेरै उहाँप्रति कृतज्ञताको भावना जागेर आउँछ ।

मलाई कहिलेकाहीँ लाग्छ, उहाँसँग मेरो पूर्वजन्मदेखि नै पक्कै पनि कुनै गहिरो कार्मिक सम्बन्ध हुनुपर्छ । यस जन्ममा मैले दुर्गालाल दाइलाई भेट्न पाउनु मेरो जीवनको ठूलो वरदान हो । उहाँसँग भेट भएकै कारण मैले जीवनमा एउटा सुन्दर बाटो पाएकी छु भन्ने महसुस हुुन्छ ।