‘परीक्षा बोर्डको नतिजा प्रक्रियामा कुनै त्रुटि छैन, आन्दोलनरत विद्यार्थीमाथि दुर्व्यवहार नगर्नू’

सामाजिक सञ्जालमार्फत आफ्नो धारणा सार्वजनिक गर्दै मन्त्री पोखरेलले नतिजा प्रकाशनमा कुनै हतार नगरिएको दाबी गरे । ‘नतिजा समयमै प्रकाशन गर्न कुनै हतार गरिएको होइन,' उनले लेखेका छन्, ‘बरु आवश्यक जनशक्ति थप गरी र अनावश्यक प्रशासनिक प्रक्रियाहरू छोट्याएर नतिजालाई तोकिएकै समयमा सार्वजनिक गरिएको हो ।’

नतिजाप्रति असन्तुष्टि जनाउँदै माइतीघरमा भइरहेको विद्यार्थीहरूको शान्तिपूर्ण आन्दोलनप्रति मन्त्री पोखरेलले सम्मान व्यक्त गरेका छन् । लोकतान्त्रिक समाजमा आफ्नो आवाज उठाउने र असहमति राख्ने सबैको अधिकार सुरक्षित रहेको उल्लेख गर्दै उनले विद्यार्थीहरूको मागप्रति सरकार संवेदनशील रहेको संकेत गरे ।