बागमती प्रदेशसभामा प्रधानमन्त्रीको विरोध, सांसदले मागे राजीनामा

हेटौँडा । प्रधानमन्त्री बालेन्द्र शाहले प्रतिनिधिसभामा सीमा विवादका विषयमा दिएको पछिल्लो अभिव्यक्तिलाई लिएर बागमती प्रदेशसभा बैठकमा तीव्र विरोध भएको छ । प्रधानमन्त्री बालेनले ‘नेपालले पनि भारतको सीमा मिचेको छ’ भनी दिएको भनाइ राष्ट्रघाती, आपत्तिजनक र राष्ट्रिय हितविपरीत रहेको भन्दै सांसदहरूले प्रदेशसभाको बैठकबाट उनको राजीनामा समेत माग गरेका छन् ।

सोमबार बसेको बागमती प्रदेशसभा बैठकमा नीति तथा कार्यक्रममाथिको छलफलमा भाग लिँदै सांसदले प्रधानमन्त्रीको अभिव्यक्तिको आलोचना गरेका हुन् । उनीहरूले प्रधानमन्त्रीले सार्वजनिक रूपमा माफी माग्नुपर्ने र संघीय संसद्को रेकर्डबाट उक्त भनाइ हटाउनुपर्ने मागसमेत गरे ।