नेपाल मेडिकल काउन्सिलद्वारा घरमै बसेर उजुरी दिन सकिने पोर्टल सञ्चालन

काठमाडौं- नेपाल मेडिकल काउन्सिल (एनएमसी) ले आफ्नो सेवा प्रवाहलाई थप पारदर्शी, छरितो, उत्तरदायी तथा प्रविधिमैत्री बनाउन ‘हेलो एनएमसी’ डिजिटल जिज्ञासा, गुनासो, उजुरी तथा सुझाव पोर्टल सञ्चालनमा ल्याएको छ । काउन्सिलले बुधबार सार्वजनिक सूचना जारी गर्दै आम नागरिक तथा दर्तावाला चिकित्सकले अब काउन्सिलको कार्यालयमा भौतिक रूपमा उपस्थित नभई घरबाटै अनलाइनमार्फत जिज्ञासा, गुनासो, उजुरी तथा सुझाव दर्ता गर्न सक्ने जनाएको हो ।