कक्षा १२ को नतिजा विवाद: विद्यार्थीको गुनासो छानबिन गर्न समिति गठन, हतारमा नतिजा सार्वजनिक नगरिएको शिक्षामन्त्रीको दावी

काठमाडौं- राष्ट्रिय परीक्षा बोर्डले सार्वजनिक गरेको कक्षा १२ को परीक्षाफलप्रति विद्यार्थीहरूले व्यापक असन्तुष्टि जनाएपछि शिक्षा, विज्ञान तथा खेलकुद मन्त्रालयले उत्तरपुस्तिका परीक्षण र नतिजा सम्बन्धी तथ्याङ्कको पुनः प्रमाणीकरण प्रक्रिया अघि बढाएको छ ।

शिक्षा, विज्ञान तथा खेलकुद मन्त्री सस्मित पोखरेलले विद्यार्थीहरूको गुनासोलाई गम्भीर रूपमा लिँदै उत्तरपुस्तिकाको नमुना परीक्षण तथा डेटा भेरिफिकेसनका लागि विशेष समिति गठन गरिएको जानकारी दिएका छन् ।