संविधान संशोधनका लागि ४४ हजार बढी सुझाव प्राप्त

काठमाडौँ। संविधान संशोधन बहसपत्र तयार गर्न गठित कार्यदलले संविधान संशोधनका विषयमा नागरिकबाट ४४ हजार ६१३ सुझाव प्राप्त गरेको छ।

कार्यदलको सचिवालयले यही ८ जेठमा एक सूचना जारी गर्दै संविधानमा गर्नुपर्ने आवश्यक सुधार तथा संशोधनका विषयमा इच्छुक नेपाली नागरिकबाट लिखित सुझाव माग गरेको थियो। सोही सूचनाअनुसार नागरिकले लिखित सुझाव दिएका हुन्।