महिलाका लागि पर्यटकीय सवारी चालक तालिम सुरु

काठमाडौं । महिलाका लागि सवारी चालक तालिम सुरु गरिएको छ । पर्यटकहरूको सवारी साधन चलाउने दक्षता अभिवृद्धि गर्ने उद्देश्यले बिहीबारदेखि काठमाडौंको बुढानीलकण्ठमा यो तालिम सुरु भएको हो ।

पर्यटन क्षेत्रको सेवालाई गुणस्तरीय बनाउन र महिलालाई पनि पर्यटकीय सवारी चालक बनाउने लक्ष्यका साथ तालिम सञ्चालन गरिएको दिगो पर्यटन परियोजनाका राष्ट्रिय परियोजना संयोजक केबी शाहले बताए । नेपालको पर्यटन क्षेत्रमा गुणस्तरीय सेवा दिन महिलाहरूको योगदान महत्वपूर्ण हुनेमा आफूहरू आशावादी रहेको उनले उल्लेख गरे ।