कच्चा तेल युद्धअघिकै मूल्यमा, किन सस्तिँदैन पेट्रोल र डिजेल ?

काठमाडौँ । अहिले अन्तर्राष्ट्रिय बजारमा कच्चा तेल (क्रुड आयल) को मूल्य प्रतिब्यारेल ७० डलरभन्दा तल झरेको छ। अमेरिका–इरान युद्ध उत्कर्षमा रहँदा ११९ डलरसम्म पुगेको कच्चा तेलको मूल्यमा अहिले ४० प्रतिशतभन्दा धेरै गिरावट आइसकेको छ। यो लगभग युद्धअघिकै अवस्था हो।

तर, प्रशोधित तेल अर्थात् पेट्रोल र डिजेलको मूल्य भने अहिले पनि अपेक्षित रूपमा घटिरहेको छैन। क्रुड आयल जसरी अन्तर्राष्ट्रिय बजारमा सस्तिएको छ, त्यस अनुपातमा पेट्रोलको मूल्य घटेको छैन। भारतमा पेट्रोलको मूल्य प्रतिब्यारेल १८२ अमेरिकी डलर, चीनमा १९९ अमेरिकी डलर र अमेरिकामा १७९ डलर हाराहारीमा छ। नेपालमा पेट्रोल प्रतिलिटर २१७ रुपैयाँमा बिक्री भइरहेको छ।