हेलो एनएमसी सञ्चालनमा, घरमै बसेर उजुरी दर्ता र मोबाइलमै लाइभ ट्र्याकिङ

काठमाडौं- नेपाल मेडिकल काउन्सिलले आफ्नो सेवा प्रवाहलाई अझ पारदर्शी, छरितो, उत्तरदायी र प्रविधिमैत्री बनाउने उद्देश्यका साथ नयाँ डिजिटल पोर्टल 'हेलो एनएमसी' सञ्चालनमा ल्याएको छ।

काउन्सिलले आम नागरिक तथा दर्तावाला चिकित्सक दुवैलाई लक्षित गर्दै जिज्ञासा, गुनासो, उजुरी तथा रचनात्मक सुझावहरू अनलाइनमार्फत नै दर्ता गर्न सकिने गरी यो पोर्टल औपचारिक रूपमा सुरु गरेको हो।