रेमिट्यान्स भुक्तानीका लागि बैंकबाट लिएको पेश्कीबाट ऋण लगानी, दशकसम्म बैंकलाई भएन ब्याज भुक्तानी

काठमाडौं । प्रभु बैंकका तत्कालीन प्रमुख कार्यकारी अधिकृत (सीईओ) अशोक शेरचन र अध्यक्ष देवी प्रकाश भट्टचन विरुद्ध उच्च अदालत पाटनमा बैंकिङ कसुरको मुद्दा दायर भएको छ ।

प्रभु बैंक र देवी प्रकाश भट्टचनकै लगानीको प्रभु मनी ट्रान्सफरबीच रेमिट्यान्स भुक्तानीका लागि दिएको पेश्कीको सेटलमेन्ट नभएको र असुल गर्नुपर्ने ब्याज समेत असुल नगरी बैंकलाई हानि पुर्‍याएको पाइएपछि तत्कालीन सिइओ शेरचन र अध्यक्ष भट्टचन सहित ४ जना विरुद्ध बैंकिङ कसुरको मुद्दा दायर भएको हो ।