‘डग च्यु’का रूपमा नेपाली छुर्पीको विश्वभर माग: निर्यात बढाउन सरकारले ल्यायो ५ वर्षे रणनीतिक कार्ययोजना

काठमाडौँ । नेपालको छुर्पी आजभोलि विश्वका विभिन्न मुलुकमा घरपालुवा कुकुरका लागि सबैभन्दा प्रिय र स्वस्थकर आहार (डग च्यु) का रूपमा स्थापित भएको छ । कुनै समय गोठालोको झोलामा सीमित रहने यो मौलिक उत्पादन आज नेपालको अर्थतन्त्रलाई विदेशी मुद्रा आर्जन गराउने एक प्रमुख निर्यातयोग्य वस्तु बनेको छ ।

नेपाली छुर्पीको माग विश्व बजारमा, विशेषगरी अमेरिका र युरोपमा तीव्र गतिमा बढेपछि यसलाई नेपालको प्रमुख निर्यातयोग्य वस्तुको रूपमा विकास गर्न सरकारले नयाँ रणनीति अघि सारेको छ ।