म्यानमारको तटनजिकै डुंगा दुर्घटना, ५०० भन्दा बढी शरणार्थीको मृत्यु

काठमाडौं । म्यानमारको तटनजिकै शरणार्थी बोकेका दुईवटा डुंगा डुबेको आशंका गरिएको छ । उक्त दुई डुंगामा ५०० भन्दा बढी मानिस रहेको र तिनको मृत्यु भएको हुन सक्ने बताइएको छ ।

अन्तर्राष्ट्रिय बसाइँसराई संगठन र संयुक्त राष्ट्रसंघीय शरणार्थी उच्चायुक्तको कार्यालयले संयुक्त विज्ञप्ति जारी गर्दै प्रारम्भिक जानकारीका आधारमा दुवै डुंगा जुन महिनाको अन्त्यतिर म्यानमारको रखाइन राज्यबाट प्रस्थान गरेको र त्यसमा सवार अधिकांश यात्रु रोहिंग्या समुदायका रहेको जनाएका छन् ।