असार मसान्तका अन्तिम तीन दिनमा ५० अर्ब रुपैयाँ राजस्व संकलन

काठमाडौं । नयाँ आर्थिक वर्ष २०८३/८४ आजदेखि सुरु भएको छ। आर्थिक वर्ष २०८२/८३ को अन्तिम तीन दिनमा सरकारले करिब ५० अर्ब रुपैयाँ राजस्व संकलन गरेको छ।

महालेखा नियन्त्रक कार्यालयको तथ्यांकअनुसार असार ३०, ३१ र ३२ गते गरी तीन दिनमा कुल ५० अर्ब १० करोड रुपैयाँ राजस्व उठेको हो। यस अवधिमा असार ३० गते १६ अर्ब ५० करोड रुपैयाँ, असार ३१ गते २१ अर्ब १७ करोड रुपैयाँ र असार ३२ गते १२ अर्ब ४३ करोड रुपैयाँ राजस्व संकलन भएको कार्यालयले जनाएको छ।