अमेरिकाभन्दा चीनप्रति विश्वका धेरै देशमा सकारात्मक धारणा : अध्ययन

काठमाडौं । अमेरिकी स्वतन्त्र अनुसन्धान संस्था प्यु रिसर्च सेन्टरको नयाँ अध्ययनले विश्वका धेरै देशमा अमेरिकाभन्दा चीनप्रति सकारात्मक धारणा राख्ने मानिसहरूको संख्या बढी रहेको जनाएको छ ।

प्युले सन् २००२ देखि महाशक्ति राष्ट्रहरूप्रतिको विश्वव्यापी धारणा अध्ययन गर्दै आएको भए पनि यस्तो नतिजा पहिलोपटक सार्वजनिक भएको बताइएको छ । अध्ययनअनुसार धेरै देशमा चीनप्रतिको सकारात्मक दृष्टिकोण ऐतिहासिक रूपमा उच्च तहमा पुगेको छ भने अमेरिकाप्रतिको धारणा खस्किएको छ ।