ब्राड पिटका थप दुई सन्तानले पनि सुरु गरे थरबाट ‘पिट’ हटाउन कानुनी प्रक्रिया

लस एञ्जलस । काठमाडौँ, हलिउड अभिनेता ब्राड पिट र अभिनेत्री एन्जेलिना जोलीका थप दुई सन्तानले आफ्नो कानुनी नामबाट ‘पिट’ थर हटाउन अदालतमा निवेदन दिएका छन् । क्यालिफोर्नियाको अदालतमा दर्ता गरिएका कागजातअनुसार २१ वर्षीया जाहारा र २४ वर्षीय म्याडक्सले व्यक्तिगत कारण देखाउँदै आफ्नो नामबाट ‘पिट’ हटाएर ‘जोली’ मात्रै राख्न अनुमति मागेका हुन् ।

यो घटनालाई ब्राड पिट र एन्जेलिना जोलीबीचको लामो समयदेखिको पारिवारिक विवादको पछिल्लो घटनाक्रमका रूपमा हेरिएको छ । सन् २०१६ मा अलग भएपछि उनीहरूबिच सम्बन्ध विच्छेद र फ्रान्सस्थित शातो मिराभाल वाइनरीको स्वामित्वलाई लिएर कानुनी विवाद जारी छ । यद्यपि उनीहरूको सम्बन्ध विच्छेद औपचारिक रूपमा सन् २०२४ को अन्त्यमा टुंगिसक्यो ।