एमपावर प्रणाली अपडेटका कारण तीन दिन बिलिङ सेवा प्रभावित, अनलाइन भुक्तानी भने नियमित

काठमाडौं । नेपाल विद्युत प्राधिकरणले एमपावर (MPower) बिलिङ प्रणालीमा प्राविधिक सुधार गर्न लागिएकाले तीन दिनसम्म मिटर रिडिङ र नयाँ बिल जारी गर्ने सेवा प्रभावित हुने जनाएको छ ।

प्राधिकरणका अनुसार नेपाल सरकारको निर्णयअनुसार विद्युत महसुलमा मूल्य अभिवृद्धि कर (भ्याट) लागू गर्न बिलिङ प्रणालीमा आवश्यक ‘प्याच अपडेट’ गर्न लागिएको हो ।