अमेरिका सहायताभन्दा व्यापारको नीतिमा काम गरिरहेको छ : अमेरिकी उपविदेशमन्त्री रोजर्स

काठमाडौँ । अमेरिकाले नेपाललाई एक महत्त्वपूर्ण साझेदारको रूपमा लिँदै द्विपक्षीय आर्थिक सम्बन्ध, प्रविधि (टेक) लगानी र डिजिटल पहुँच विस्तारमा जोड दिएको छ।

नेपाल भ्रमणमा रहेकी अमेरिकी विदेश मन्त्रालयकी सार्वजनिक कूटनीतिसम्बन्धी उपविदेशमन्त्री सारा बी. रोजर्सले सोमबार आयोजित पत्रकार सम्मेलनमा एमसीसी परियोजनाको प्रभावकारी कार्यान्वयन, इन्टरनेट स्वतन्त्रता र सहायताभन्दा व्यापारको नीतिलाई अमेरिकी सरकारले प्राथमिकतामा राखेको स्पष्ट पारेकी छन्।