चुनावमा एआईको प्रयोगले असललाई खराब र खराबलाई असल देखाइयो : शंकर पोखरेल

काठमाडौं । नेकपा एमालेका महासचिव शंकर पोखरेलले नवयुवाहरूको भावनालाई आत्मसात् गरेर एमाले अगाडि बढ्ने बताएका छन् । केन्द्रीय प्रचार तथा प्रकाशन विभागको कार्यक्रममा उनले मुलुकलाई सही दिशातर्फ अगाडि बढाउनका एमाले प्रतिबद्ध रहेको बताए ।

पोखरेलले भने’भदौ २३ र २४ को घटना, फागुन २१ को निर्वाचन, यी सबै सन्दर्भलाई जोडेर हेर्ने हो भने हाम्रो समाज सही प्रकारका मूल्य र मान्यताहरूलाई स्थापित गर्ने कुराका सन्दर्भमा सूचना प्रविधि आफैँमा एउटा चुनौती बनिरहेको छ। त्यसलाई सही ढङ्गले प्रयोग गर्न सकिएन भने खराब मान्छेहरूको हातमा त्यसको दुरुपयोग हुने खतरा पनि त्यत्तिकै रहँदो रहेछ ।’