ऋण नतिर्दासम्म पुलबाट उठेको टोल आम्दानी अमेरिकासँग बाँडिँदैनः क्यानडाका प्रधानमन्त्री

ओटावा । क्यानडाका प्रधानमन्त्री मार्क कार्नीले क्यानडाले निर्माण लागत फिर्ता नपाउँदासम्म क्यानडा र अमेरिकाबीच बनेको नयाँ अन्तरदेशीय पुलबाट उठ्ने टोल आम्दानी अमेरिकासँग नबाँड्ने बताएका छन् ।

ओन्टारियोको विन्डसर र अमेरिकाको मिशिगन राज्यको डेट्रोइटलाई जोड्ने ४ अर्ब ७० करोड डलर लागतको गोर्डी हाउ अन्तर्राष्ट्रिय पुल यही जुलाई २७ देखि सञ्चालनमा आउने तयारीमा छ । पुल निर्माणको सम्पूर्ण प्रारम्भिक लागत क्यानडाले व्यहोरेको हो ।