बागमतीमा मन्त्रालय पुनर्संरचना, ६ मन्त्री बने बिनाविभागीय

बागमती प्रदेश सरकारले प्रशासनिक संरचना पुनर्संरचना गर्दै मन्त्रालयको संख्या १४ बाट घटाएर ८ मा सीमित गरेको छ। मुख्यमन्त्री इन्द्र बानियाँको नेतृत्वमा गरिएको यस निर्णयपछि प्रदेश सरकारको मन्त्रालय संख्या घटे पनि मन्त्रीहरूको संख्या यथावत् १४ रहेको छ।

नयाँ संरचना कार्यान्वयनको क्रममा तत्कालका लागि ६ जना मन्त्रीलाई विभागीय जिम्मेवारी नतोकिएको अवस्थामा राखिएको छ। उनीहरूमा किरण थापा मगर, उर्मिला नेपाल, भरतबहादुर केसी, सुरेश श्रेष्ठ, जयराम थापा र बिनुकुमारी रायमाझी पौडेल रहेका छन्।