इबोलाको नयाँ प्रजातिविरुद्ध तीनवटा खोपको विकास तीव्र

लण्डन । अफ्रिकी मुलुक कंगो र आसपासका क्षेत्रमा फैलिएको इबोला भाइरसको एउटा दूर्लभ प्रजातिले महामारीको रूप लिन थालेपछि वैज्ञानिकहरू यसको नियन्त्रणका लागि खोप निर्माणको तीव्र दौडमा जुटेका छन्।

अहिलेसम्म झण्डै २५० जनाको ज्यान लिइसकेको यो प्रजातिविरुद्ध हाल विश्वका तीनवटा ठूला वैज्ञानिक समूहहरूले छुट्टाछुट्टै खोप विकास गरिरहेका छन्। महामारीको पछिल्लो अवस्थालाई हेरेर भ्याक्सिन विकासमा संलग्न अन्तर्राष्ट्रिय एड्स भ्याक्सिन पहल (आईएभीआई) ले यो प्रकोप इतिहासकै सबैभन्दा खराब हुनसक्ने चेतावनी दिएको छ।