आर्थिक वर्षको पहिलो दिन सेयर बजारमा उच्च वृद्धि, कारोबार साढे ४ अर्ब माथि

साताको सेयर कारोबार हुने अन्तिम दिन नेप्से परिसूचक उच्च अंकले बढेर बन्द भएको छ । नयाँ आर्थिक वर्षको पहिलो दिन सेयर बजार परिसूचक ७९.७४ अंकले बढेको हो ।

आज सेयर बजार अघिल्लो दिनको भन्दा ३.०६ प्रतिशतले बढेर २६७७.५४ विन्दुमा पुगेको छ । आज सेयर बजारमा २५७ कम्पनीको सेयर मूल्य बढेको छ भने १४ कम्पनीको घटेको छ । आज ३ कम्पनीको सेयर मूल्य स्थिर रहेको छ । त्यस्तै आज सेन्सेटिभ इन्डेक्स पनि ११.५१ अंकले बढेर ४६८.३८ विन्दुमा पुगेको छ । आज सेयर बजारका १३ उपसूचकमध्ये १२ वटाको सेयर मूल्य बढेको छ भने एउटाको घटेको छ ।