वीरगन्जका मेयर सिंह प्रहरी नियन्त्रणमा, अदालतमा उपस्थित गराइयो

वीरगन्ज : वीरगन्ज महानगरपालिकाका मेयर राजेशमान सिंहलाई प्रहरीले नियन्त्रणमा लिएको छ। नागरिकता लिखतसम्बन्धी कसुरमा अनुसन्धानका लागि पर्सा जिल्ला अदालतबाट पक्राउ पुर्जी जारी भएका मेयर सिंहलाई प्रहरीले पर्साको ठोरीबाट मंगलबार बिहान नियन्त्रणमा लिएर जिल्ला अदालतमा हाजिर गराएको हो।

जिल्ला प्रहरी कार्यालय पर्साबाट खटिएको प्रहरी टोलीले ठोरी-२ स्थित ठोरी जंगल रिसोर्ट नजिकबाट मंगलबार बिहान नियन्त्रणमा लिएको पर्साका प्रहरी उपरीक्षक सुदीपराज पाठकले जानकारी दिए।