‘नुनमा आयोडिन’ कि ‘आयोडिनमा नुन’ ?

कैलाली जिल्लामा काम गर्ने दौरानमा एक जना स्वास्थ्यकर्मीसँग संवाद भयो । नसर्ने रोग सम्बन्धी छलफल हुँदै गर्दा उहाँले भन्नुभयो, ‘सर, यहाँ केही घरपरिवारले अझै पनि ढिका नुन प्रयोग गर्छन् । आयोडिनयुक्त प्याकेट नुन खान चाहदैनन् ।’ मैले अचम्म मान्दै प्रतिप्रश्न गरें, ‘किन खादैनन् ? जमाना कहाँ पुगिसक्यो, अझै ढिका नुन ?’

उहाँको भनाइ अनुसार, केही थाइराइडका विशेषज्ञ चिकित्सकहरूले नै आयोडिनयुक्त नुन कम खान सुझाव दिएका रहेछन । कसैले दिन बिराएर, कसैले केही हप्ताको फरकमा मात्रै प्याकेटको नुन खानू नत्र ढिका नुन प्रयोग गर्नू भनेर सुझाव दिएका रहेछन् ।