अल्पकालीन लाभका लागि नीतिगत चलखेल त्याग्न निजी क्षेत्रलाई योजना आयोगका उपाध्यक्ष भट्टको आग्रह

काठमाडौँ । राष्ट्रिय योजना आयोगका उपाध्यक्ष गुणाकर भट्टले नेपालको अर्थतन्त्रमा निजी क्षेत्रको योगदान महत्त्वपूर्ण रहेको भन्दै अब नीतिगत प्रभावमार्फत विशेष सुविधा खोज्ने (रेन्ट–सिकिङ) प्रवृत्ति त्याग्नुपर्ने बताएका छन्।

राजधानीमा आयोजित एक कार्यक्रममा बोल्दै उनले निजी क्षेत्रको मुख्य समस्या नै नीतिगत चलखेल गरेर आफ्नो स्वार्थ अनुकूलको सुविधा खोज्नु रहेको औँल्याएका हुन्।