अनलाइन नेटवर्किङ व्यवसायको बहानामा ठगी, ४५३ नेपाली नागरिकको उद्धार

काठमाडौं । भारतको उत्तर प्रदेशस्थित कुशीनगर जिल्लामा सञ्चालन भइरहेको कथित नेटवर्किङ ठगीमा फसेका ४५३ जना नेपाली नागरिकको उद्धार गरिएको छ । नयाँ दिल्लीस्थित नेपाली राजदूतावासले आइतबार जारी गरेको प्रेस विज्ञप्तिमार्फत उक्त जानकारी दिएको हो ।

राजदूतावासका अनुसार आकर्षक रोजगारी तथा आर्थिक लाभको प्रलोभनमा पारेर नेपाली नागरिकहरूलाई नेटवर्किङ व्यवसायको नाममा भारत लगिएको थियो । प्राप्त सूचनाका आधारमा उत्तर प्रदेश प्रहरी, भारत सरकारका सम्बन्धित निकाय, नेपाल प्रहरी तथा गैरसरकारी संस्था KIN India सँगको समन्वयमा उद्धार कार्य सम्पन्न गरिएको हो ।