सामाजिक सुरक्षा कोषमा १ खर्ब ११ अर्ब सञ्चिति, जलविद्युत् र नवीकरणीय ऊर्जामा लगानी विस्तार गर्ने तयारी

काठमाडौं। सामाजिक सुरक्षा कोषमा योगदानकर्ताबाट संकलित रकम १ खर्ब ११ अर्ब रुपैयाँ नाघेको छ। कोषले बढ्दो सञ्चितिलाई उत्पादनमूलक क्षेत्रमा परिचालन गर्ने उद्देश्यसहित जलविद्युत्, विद्युत् प्रसारण लाइन, सौर्य तथा अन्य नवीकरणीय ऊर्जा परियोजनामा लगानी विस्तार गर्ने तयारी गरेको छ।

कोषका अनुसार जेठ २० गतेसम्म १ खर्ब ११ अर्ब ७ करोड रुपैयाँभन्दा बढी योगदान रकम संकलन भएको छ। दैनिक रूपमा रकम थपिँदै गएपछि लगानीको दायरा विस्तार गर्नुपर्ने निष्कर्षमा पुगेर ऊर्जा क्षेत्रमा लगानी गर्ने नीति अघि सारिएको हो।