अमेरिकी इबोला क्वारेन्टिन केन्द्रको योजनाविरुद्ध केन्यामा विरोध प्रदर्शन

नैरोबी । केन्याको मध्यभागस्थित नान्युकी शहरमा अमेरिकी सहयोगमा स्थापना गर्न लागिएको इबोला क्वारेन्टिन केन्द्रको विरोधमा सोमबार सयौँ स्थानीय बासिन्दा सडकमा उत्रिएका छन् ।

केन्याको उच्च अदालतले गत शुक्रबार उक्त योजना अस्थायी रूपमा रोक्न आदेश दिएको भएपनि सो केन्द्र बनाउने तयारी जारी रहेको आशङ्काबिच प्रदर्शन भएको हो । अदालतमा दायर मुद्दामा प्रस्तावित केन्द्रले सार्वजनिक स्वास्थ्यमा जोखिम निम्त्याउन सक्ने तर्क गरिएको थियो ।