नेपालकाे एसीसी यू-१९ प्रिमियर कपको फाइनल यात्रामा पूर्णविराम

काठमाडौं । मलेसियाको क्वालालम्पुरस्थित बायोमास ओभलमा शुक्रबार सम्पन्न सेमिफाइनल खेलमा संयुक्त अरब इमिरेट्स (युएई) सँग सुपर ओभरमा पराजित भएसँगै नेपाल एसीसी महिला यू-१९ प्रिमियर कपको फाइनलमा पुग्न असफल भएको छ।

रोमाञ्चक बनेको खेलको निर्धारित २० ओभरमा दुवै टोलीले समान १०० रन बनाएपछि खेलको निर्णय सुपर ओभरबाट लिइएको हो। सुपर ओभरमा पहिले ब्याटिङ गरेको नेपालले ५ बलमा मात्र ६ रन बनाउँदै २ विकेट गुमायो। ७ रनको सामान्य लक्ष्य पछ्याएको युएईले कुनै पनि विकेट नगुमाई मात्र ३ बलमा आवश्यक रन बटुल्दै रोमाञ्चक जित हात पार्यो।