मानव–वन्यजन्तु द्वन्द्वको क्षतिमा करोड बढि क्षतिपूर्ति

हिमाली भेगमा पछिल्लो समय मानव–वन्यजन्तुका द्वन्द्वका घटना बढिरहेका छन्। द्वन्द्वका कारण ठूलो संख्यामा चौपायाँ क्षति हुने गरेका छन् भने मानवमाथि आक्रमण हुँदा मान्छे घाइते समेत हुने गरेका छन्। यो द्वन्द्वबाट प्रभावित भएपछि अन्नपूर्ण संरक्षण क्षेत्र आयोजना (एक्याप)ले प्रभावित परिवारलाई राहत समेत दिनुपरेको छ।

मानव–वन्यजन्तु द्वन्द्वबाट प्रभावित परिवारलाई अन्नपूर्ण संरक्षण क्षेत्र आयोजनाले पछिल्लो तीनवर्षमा एक करोड १० लाख ८५ हजार ३ सय ९७ रुपैयाँ क्षतिपूर्ति समेत दिएको छ। हरेक वर्ष आक्रमणका घटना पनि बढिरहेको एक्यापले बताएको छ।