सप्तरीको गाउँदेखि हलिउड र अमेरिकी पेटेन्टसम्म : रुचितको असाधारण यात्रा

सप्तरीको एउटा सामान्य गाउँबाट सुरु भएको सपना अहिले अमेरिकी पेटेन्ट, रोबोटिक्स, आर्टिफिसियल इन्टेलिजेन्स र हलिउडसँग जोडिएको छ। संघर्ष, अभाव र निरन्तर प्रयासबिच सप्तरीका रुचित रेग्मी अहिले पाइलटलेस एयरक्राफ्टका अमेरिकी पेटेन्ट प्राप्त आविष्कारकका रूपमा आफूलाई विश्व मञ्चमा स्थापित गर्ने यात्रामा छन्।

विश्वका ठुला बहुराष्ट्रिय कम्पनी जेनेरल मोटर्स (जीएम), टोयोटा, कमकास्ट, बोइङ र हनिवेलजस्ता नामहरूसँग आफ्नो आविष्कार, प्रविधि र सिर्जनात्मक परियोजनामार्फत जोडिएको बताउने नेपाली आविष्कारक रेग्मी अहिले पुनः चर्चामा आएका छन्।