नयाँ पूँजीगत लाभकरले घरजग्गाको कारोबारमा कीर्तिमानी उछाल, असारमै उठ्यो १२ अर्ब राजस्व

काठमाडौं । गत आर्थिक वर्ष २०८२/०८२ को असार महिनामा घरजग्गाको कारोबारले ऐतिहासिक रेकर्ड राखेको छ । गत आवको साउन महिनामा मात्रै घरजग्गाको कारोबार तथा त्यसबाट संकलन हुने राजस्वले नयाँ रेकर्ड राखेको हो । ​​​​​​​

भूमि व्यवस्थापन तथा अभिलेख विभागका अनुसार गत आवको असार महिनामा ११ अर्ब ९४ करोड रुपैयाँ राजस्व घरजग्गा क्षेत्रबाट संकलन भएको छ । यस क्षेत्रबाट एक महिनामा यति धेरै राजस्व अहिलेसम्म कुनै महिनामा पनि संकलन भएको थिएन । यस अघि आव २०७७/७८ को चैत महिनामा ८ अर्ब ५९ करोड रुपैया राजस्व संकलन भएको थियो ।