हाङदेवा खोलामा मोटरेबल पुल निर्माण सुरु, ३ करोड ६१ लाखको लागतमा दुई वर्षभित्र सम्पन्न हुने

ताप्लेजुङको फुङलिङ नगरपालिका–९ र १० जोड्ने हाङदेवा खोलामाथि मोटरेबल पक्की पुल निर्माण सुरु भएको छ। शुक्रबार आयोजित कार्यक्रममा कोशी प्रदेशसभा सदस्य तथा पूर्वमन्त्री तिलकुमार मेन्याङ्वोले पुलको शिलान्यास गरेका हुन्।

पूर्वाधार विकास कार्यालय ताप्लेजुङका अनुसार ३ करोड ६१ लाख ४३ हजार १०८ रुपैयाँ ९६ पैसाको लागतमा निर्माण हुने पुलको ठेक्का रामचन्द्र–अरुण प्रमाण जेभीले पाएको छ। निर्माण कम्पनीसँग २०८४ चैत ८ गतेभित्र पुल निर्माण सम्पन्न गर्ने सम्झौता गरिएको कार्यालय प्रमुख तथा सिडिई कुमार किसलय कर्णले जानकारी दिए।