संघीय संसद्को झण्डासहित सगरमाथा आरोहण गर्ने सांसद शेर्पालाई काठमाडौंमा सम्मान

विश्वको सर्वोच्च शिखर सगरमाथाको सफल आरोहण गरेकी सांसद मिङ्गा ग्याबु शेर्पालाई मंगलबार काठमाडांमा सम्मान गरिएको छ । प्रतिनिधि सभाका सभामुख डोलप्रसाद अर्याल र राष्ट्रिय सभाका अध्यक्ष नारायणप्रसाद दाहालले संयुक्तरुपमा शेर्पालाई सम्मान तथा बधाई दिएका हुन्।

संघीय संसद् सचिवालयमा मंगलबार आयोजित कार्यक्रममा प्रतिनिधिसभाकी उपसभामुख रुबी कुमारी र राष्ट्रिय सभाकी उपाध्यक्ष लिला कुमारी भण्डारीको पनि उपस्थिति थियो।