नेपाल टेलिभिजनको स्याटेलाइट खरिदमा साढे २० करोडभन्दा बढी अनियमितता, अध्ययन समितिले गर्‍यो कारबाही सिफारिस

नेपाल टेलिभिजन (हाल सार्वजनिक सेवा प्रसारण संस्था) को स्याटेलाइट ब्याण्डविथ खरिद प्रक्रियामा करिब २० करोड ६१ लाख ७३ हजार ४६९ रुपैयाँ बराबरको आर्थिक हानी भएको निष्कर्षसहित अध्ययन समितिले सरकारलाई प्रतिवेदन बुझाएको छ।

सूचना तथा सञ्चार मन्त्रालयले गठन गरेको अध्ययन समितिले शुक्रबार सूचना तथा सञ्चारमन्त्री डा. विक्रम तिमिल्सिना समक्ष बुझाएको प्रतिवेदनमा विभिन्न समयमा भएका स्याटेलाइट ब्याण्डविथ खरिद तथा सम्झौतामा कानुनविपरीत कार्य, प्रक्रियागत कमजोरी, वित्तीय अनुशासन उल्लङ्घन र संस्थालाई आर्थिक नोक्सानी पुर्‍याउने निर्णयहरू भएको उल्लेख गरिएको छ।