प्रत्यक्ष वैदेशिक लगानी प्रतिबद्धतामा कमी, गत आर्थिक वर्षमा ५८ अर्ब मात्रै

काठमाडौँ । पछिल्लो एक वर्ष अर्थात् गत आर्थिक वर्ष २०८२/८३ मा प्रत्यक्ष वैदेशिक लगानी (एफडीआई) प्रतिवद्धता ५८ अर्ब १ करोड ८५ लाख ३०५ रुपैयाँ आएको छ । उद्योग विभागका अनुसार गत साउनदेखि असार मसान्तसम्म ५८ अर्ब १ करोड ८५ लाख ३०५ रुपैयाँ बराबर एफडीआई स्वीकृत भएको हो ।

जुन अघिल्लो आर्थिक वर्ष २०८१/८२ को भन्दा करिब ७ अर्ब रुपैयाँले कम प्रतिवद्धता आएको छ । उक्त आर्थिक वर्षमा झण्डै ६५ अर्ब रुपैयाँ बराबरको विदेशी लगानी प्रतिबद्धता प्राप्त भएको थियो । विदेशी लगानीकर्ताहरुले गत वर्ष २०८१/८२ को साउनदेखि असारसम्म ६४ अर्ब ९६ करोड ५१ लाख ४३ हजार रुपैयाँ बराबरको लगानी प्रतिबद्धता जनाएका थिए ।