एआई–सञ्चालित क्रिएटर मार्केटिङ प्लेटफर्म ‘भिल’को सेवा नेपाल र भारतमा सुरु

एआई–सञ्चालित क्रिएटर मार्केटिङ प्लेटफर्म ‘भिल’ले नेपाल र भारतमा आफ्नो औपचारिक सेवा शुभारम्भ गरेको छ । कम्पनीले दक्षिण एसियाली बजारमा सेवा विस्तार गर्दै व्यवसाय र कन्टेन्ट क्रिएटरलाई एउटै डिजिटल प्लेटफर्ममार्फत जोड्ने उद्देश्यका साथ सेवा सुरु गरेको जनाएको छ ।

कम्पनीका अनुसार ‘भिल’ले व्यवसाय र क्रिएटरबीचको सहकार्यलाई सहज, व्यवस्थित र प्रभावकारी बनाउने एकीकृत प्लेटफर्म उपलब्ध गराउनेछ । यसमार्फत व्यवसायहरूले उपयुक्त क्रिएटर छनोट, क्याम्पेन सञ्चालन, भिडियो सम्पादन तथा स्वीकृति, भुक्तानी व्यवस्थापन र कन्टेन्टको अधिकार व्यवस्थापन गर्न सक्नेछन् । त्यस्तै, नेपाल र भारतका क्रिएटरहरूले स्वदेशी तथा अन्तर्राष्ट्रिय ब्रान्डसँग प्रत्यक्ष सहकार्य गर्ने अवसर पाउने कम्पनीको भनाइ छ ।